Mu rwego rwo gusoza ibikorwa byo kwibuka Jenoside yakorewe Abatutsi mu 1994, kuri uyu wa Kabiri hatanzwe ubufasha bugamije gufasha abarokotse kurushaho kwiyubaka. Iki gikorwa cyaranzwe no kuremera abarokotse bahabwa inka 3 ebyiri zatanzwe n’Umurenge wa Kanzenze, indi itangwa n’ubuyobozi bw’inkambi y’agateganyo ya Nkamira na Kijote.

Hanatanzwe intama 3 zatanzwe n’Inama y’Igihugu y’Abagore (CNF), hamwe n’ibikoresho byo mu rugo bitandukanye byatanzwe n’ubuyobozi bw’inkambi ya Nkamira. Ni igikorwa cyakozwe mu rwego rwo kugaragaza ubumwe, ubumuntu no gukomeza kwita ku mibereho myiza y’abarokotse Jenoside.