Abagize Inama Njyanama y’Akarere ka Rubavu isoje Manda yo kuva 2016 kugera 2021 barishimira impinduka mu iterambere ry’ubukungu n’imibeho myiza hamwe no kwimakaza imiyoborere myiza bagejeje ku baturage muri iki gihe kigera ku myaka 6 bari bamaze mu Nama Njyanama y’Akarere.

Abagize Inama Njyanama y'Akarere ishoje Manda barishimira ibyagezweho 

Ibi babitangaje mu nama y'Inama Njyanama y'Akarere idasanzwe yateranye kuri uyu wa 21 Ukwakira 2021 aho yemezaga imyanzuro y'inama iheruka,ikagezwaho icyegeranyo cy'ishyirwamubikorwa ry'imyanzuro y'Inama Njyanama ndetse n'icy'ibikorwa byakozwe n'Inama Njyanama y'Akarere kuva 2016 kugera 2021.

Mu byagezweho mu bukungu harimo kuzamura umusaruro ukomoka ku buhinzi n'ubworozi,isoko ry'ubucuruzi bwambukiranya imipaka, One Stop Border Post, guhanga imirimo isaga 10000 buri mwaka,Km 123 z'imihanda yasanwe n'iyubatswe,gukwirakwiza amashanyarazi n'amazi.     

 Mu byagezweho harimo n'inyubako z'amashuri harimo n'Ibigo bishya

Mu Mibereho myiza muri iyi manda abaturage barushijeho kwegerezwa ibikorwa remezo by'ubuzima n'uburezi, abatishoboye bafashwa kubona amacumbi,imirimo muri VUP ndetse baranorozwa muri Girinka.

Mu kwimakaza imiyoborere myiza hubatswe ibiro by'Imirenge ya Bugeshi na Kanzenze n'iby'Utugari dutandukanye,hashyirwa imbaraga mu kwimakaza Ubumwe n'ubwiyunge no gukemura ibibazo by'abaturage Akarere kanegukanye igikombe cyo kurwanya ruswa n'akarengane.

MMuri iyi Manda Akarere kegukanye igikombe cyo kurwanya Ruswa n'Akarengane

Perezida w’Inama Njyanama y’Akarere ka Rubavu avuga ko abazatorwa muri Manda itaha bazakomeza gushimangira ubufatanye ariko akanasaba ko by’umwihariko hazakomeza kwitabwa ku mishanga migari iri mu Karere irimo kuzuza isoko rya Gisenyi, Gare ya Rubavu, Shema Power Lake Kivu, gukomeza gukwirakwiza amazi n'amashanyarazi,Uruganda rwa Sima ,icyambu cya Rubavu.

Mu mishinga igomba gukomeza gukurikiranwa harimo n'isoko rya Gisenyi