Mu birori birimo n'umuhango wo gusezera abana bakuwe ku muhanda ku bufatanye n'umuryango UYISENGA NI IMANZI, Ababyeyi basabwe kwirinda amakimbirane mu miryango, kuko ari kimwe mu bibazo bitera Abana kujya mu buzererezi.

Ni Kuri iki cyumweru, mu muhango wabereye mu Murenge wa Rugerero, akagari ka Rwaza,  witabirwa n' Umuyobozi w'Akarere wungirije ushinzwe iterambere ry'imibereho myiza, Umunyamabanga Nshingwabikorwa w'umurenge wa Rugerero, ubuyobozi bw'umuryango w' UYISENGA NI IMANZI ndetse n'abaturage, hatanzwe ubutumwa butandukanye bukangurira ababyeyi kwita ku bana babyaye babarinda kujya mu buzererezi,

Ni ibirori byateguwe kubufatanye n'uyu muryango, mu rwego rwo gsuhimira aba banda bakuwe mu muhanda bakajyanwa mu ishuri, ndetse bakabasha no kwiga bagatahana amanota meza, ndetse no mu rwego rwo kubifuriza amasomo meza y'igihembwe cya Kabiri cy' umwaka w'amashuri cya 2022/2023 bahabwa ibihembo ndetse n'ibikoresho bizabafasha muri aya masomo.

Umuyobozi w'Akarere wungirije Ushinzwe imibereho myiza Madam ISHIMWE Pacifique, mu butumwa butandukanye yageneye aba byeyi ndetse n'abana muri rusange, yibukije ko imiryano nterankunga idashobora gukemura burundu ikibazo ahubwo ko uruhare rw'ababye narwo ari inkingi ya mwamba mu guhangana n'ibibizo bikigaragara, yibukijwe by'umwihariko ababyeyi ko bagomba kugira uruhare mu burere bw'abana babo, byumwihariko bafatanya n'abarimu ku bigo by'amashuri kugirango abana bashobore kwiga neza no kugirango amasomo yabo azabagirie akamaro.

Yagize ati: " Babyeyi, Twirinde Amakimbirane mu miryango,kuko ajya aba intandaro y'ibibazo bitandukanye, bitera abana kujya mu buzererezi, tubyare abo dushoboye kurera mu rwego rwo guhangana n’ibibazo duhura nabyo"

Abana bashimiwe ko nubwo banyuze mu buzima bw'umuhanda ariko kandi bafite uburenganzira bwo kwiga, bityo bakazavamo abantu bakomeye kandi bifuzwa n'igihugu, bashimiwe kandi umusaruro bagaragaje mu masomo yabo y'igihembwe cya mbere, bahabwa n'ibikoresho by'ishuri by'igihembwe cya 2 bagiye gutangira ndetse banizezwa kuzahembwa.

Camarade MUHIRE

PRMCO/ Rubavu